أى كلام فى أى كلام

ramy seada: انت فين يبنى من سنين

ramy seada: مش بتفتح ليه؟

ramy shehab: أصلى كنت بسمع مزيكا

ramy seada: طب عايزين نعمل.....

ramy seada: بتاعة .....

ramy shehab: بص

ramy seada: ها

ramy shehab: أنا مش فايق ليها حاليا خااااااااااالص

ramy shehab: عندى إللى مكفينى وفايض شوية كمان

ramy shehab: ممكن أسلفك شوية يعنى

ramy seada: طب سلفنى

ramy seada: المهم

ramy seada: انا هعملها

ramy shehab: أنا غالبا مش جاى يوم الحد

ramy shehab: ومش عايزك تاخد لى الغياب

ramy seada: وانت يوم ما تحب... انا تحت امرك

ramy seada: مش هتيجى ليه؟

ramy shehab: ياعم أنا معاك

ramy shehab: بس حاليا مش مستعد

ramy seada: مش هتيجى ليه؟

ramy shehab: عشان أسمع مزيكا

ramy seada: الله عليك

ramy seada: انا فتحت مدونتى على فكرة

ramy seada: وشيلت التعليقات

ramy shehab: أحسن بردة

ramy shehab: رغم إن التدوين أصلا بقى .....

ramy seada: كتبت اول موضوع عن البت بتاعة فاروق جويدة

ramy seada: فضحتها علنى

ramy seada: وكلمت عمر يحط مدونتى على الرأى

ramy seada: وحطها

ramy shehab: كمان

ramy shehab: وقلت له على نفسك وإنك صاحب المدونة؟

ramy seada: بتاعة ايه؟

ramy seada: يبنى انا عامل المدونة رامى سعده

ramy shehab: أيوة شفتها

ramy shehab: يخرب عقلك

ramy shehab: إنت كاتب إسمها كمان

ramy shehab: حرام عليك كدة

ramy seada: طبعا

ramy seada: احنا فى السليم

ramy shehab: كان كفاية صورة العمل

ramy seada: يبنى اسمها باين فى اللوحة اصلا

ramy shehab: وطبعا جرستنى معاك

ramy seada: اى خدمة

ramy shehab: دا إنت طلعتنى فى صورة شيطان

ramy seada: يبنى الحقيقة دايما مرة

ramy shehab: طيب ياخويا

ramy seada: دا انا هملاها

ramy seada: احلى حاجة موضوع التعليقات اللى شيلتها

ramy seada: كده مش محتاج ارد

ramy seada: ولا استنى رد

ramy seada: انا هحط مواضيع جديدة مش هستنى

ramy shehab: دايما كدة سارق أفكارى

ramy shehab: إكتب عنى موضوع بالمرة

ramy seada: افكار ايه انت يا واد؟

ramy shehab: وموضوع عن عبده تلوث

ramy seada: هكتب عن تلوث ده

ramy seada: وهفضحك

ramy seada: انت وشلبى

ramy shehab: وموضوع عن هوهو

ramy seada: وهحط صور

ramy shehab: طب كنت قوللى

ramy shehab: والله كنت أتصور لك مخصوص مع تلوث

ramy seada: طب احنا فيها

ramy seada: الاسبوع اللى جاى

ramy seada: انت ليه صحيح مش جاى الحد؟

ramy shehab: والله يا أخ رامى لسبب إكلينيكى بحت

ramy shehab: ألا وهو إنى مش متظبط إكلينيكيا


----------------------------------------------

ramy seada: روميو باشا بذات نفسه فاتح

ramy seada: انا مش مصدق نفسى

ramy seada: انت فينك يا بيه؟

ramy shehab: مساؤة بيلعب كورة ماء يابرنس

ramy shehab: أنا فين؟؟ سؤال غريب

ramy shehab: أنا هنا طبعا

ramy seada: صحيح انا شكلى بهيس هوا دا سؤال ؟

ramy seada: اعذرنى اصلى لسه ضارب طبق كبده

ramy seada: لا تقوللى هوهو ولا بتاع

ramy shehab: كبده من أى نوع؟

ramy seada: اكيد من النوع التانى

ramy seada: الاول معدتشى فيه منه

ramy shehab: أيوة كدة طمنتنى

ramy shehab: بحسبك رجعت للنوع الأولانى تانى

ramy shehab: المهم عامل إيه من غيرى فى الكام يوم إللى فاتوا دول؟

ramy seada: مضيع خالص يا مان ودماغى مش متظبطة

ramy seada: فى مليون حاجة عايز اعملها بس متوتور

ramy shehab: تمام تمام

ramy shehab: ده دليل على إنك ماشى فى الطريق الصح

ramy shehab: رامى

ramy seada: ها

ramy shehab: إيه الهبل إللى بنقوله ده؟

ramy seada: مش عارف بس تصدق لايق عليك جدا

ramy shehab: لايق عليا الهبل؟

ramy seada: جداااااااا

ramy shehab: دا أنا طول عمرى رمز للحكمة والعقل

ramy shehab: وإسأل عنى من ايام المهندسين

ramy seada: يبنى يكفى انك تعرف ان البيت كله بيضحك عليه من كتر الضحك

ramy seada: انا خايف الجيران يتلمو

ramy shehab: ياراجل

ramy shehab: طب قوللى كنت ألم بيتنا بردة

ramy shehab: وخصوصا إنك سوبر ستار الكوميديا عندنا

ramy seada: امتى بقى تبطلو تتغدو

ramy shehab: سلم لى على إللى بيضحكوا عندك

ramy seada: الله يسلمك

ramy shehab: لو بطلنا نتغدى أكيد فيه فطار وأكيد فيه عشا

ramy seada: تخيل عايزينى اقوم اعملهم شاى

ramy shehab: وإيه يعنى

ramy seada: الدنيا بقت ماشية بضهرها

ramy shehab: مانا لسة عامل لهم فى البيت

ramy shehab: شاى وسحلب وكاكاو

ramy shehab: وكأنى قهوجى

ramy shehab: ماهو كل واحد كان ليه طلب مختلف

ramy seada: ايه ده انا حاسس انك بتهزر

ramy shehab: أهزر؟؟

ramy shehab: ودى تيجى؟

ramy seada: هى فعلا الطلبات هنا بردو مختلفة بس انا قلت هو شاى وبس

ramy seada: انا مش قهوجى زيك لا مؤاخذة

ramy shehab: وحد الطلبات

ramy shehab: قهوجى فى بيتك مش عيب ياكابو

ramy seada: طب اوحدها تحت شعار ايه؟

ramy shehab: كلها كام سنة وتبقى قهوجى غصب عنك

ramy seada: بس فى بيتك بردو

ramy seada: ومش هيبقى عيب

ramy seada: يا كابو

ramy shehab: تحت شعار إما شاى أو باى باى

ramy seada: جامد الشعار

ramy seada: تليفون وراجع

ramy shehab: حسنا

ramy shehab: قول رايح أعمل الشاى ماتنكسفش

ramy seada: رجعت

ramy seada: طلع مش ليا

ramy seada: انا بتكسف بردو

ramy shehab: لحق يغلى؟

ramy seada: ؟

ramy seada: امال لو مش عارفنى

ramy shehab: لا طبعا

ramy shehab: مانا لسة مش عارفنى

ramy seada: ليه لقيتك كبرت فجأة

ramy seada: ؟

ramy seada: طب شوف مرايتك

ramy shehab: سيتها فى المدينة

ramy seada: خلاص يوم الحد ابقى فكرنى نشوفك

ramy seada: على فكرة معرفتش اخدلك غيابك الخميس

ramy seada: البت لفت بنفس ذات نفسها تاخد بالارقام

ramy shehab: رامى

ramy seada: وبعدها امل حشيش

ramy seada: ها

ramy shehab: سمعت قصيدة يامسطب حبى فى قلبك

ramy seada: لأ ابعت

ramy shehab: والله يبنى كانت أغنية عيلتكم

ramy shehab: بس قلبت معايا بجو حشيش

ramy seada: هههههههه

ramy seada: ههههههههههههههههه

ramy shehab: وعجبت ناس كتير

ramy shehab: لدرجة إن واحد أخدها منى وعملها زى توقيع ليه فى المنتديات إللى بيشارك فيها

ramy seada: طب ابعت يبنى شوقتنى

ramy seada: يمكن احطها للعيلة بردو

ramy shehab: يامسطب حبى فى قلبك

ramy seada: مهو كنا زمان بنحشش

ramy shehab: ومكنسل منه الآهات

ramy shehab: بعادك خلانى أهنج

ramy shehab: وأحرق كل الرامات

ramy seada: وهيييييييييييييييييييه

ramy shehab: كارت عينى ولع

ramy shehab: وكمان الساوندات

ramy shehab: من كتر ما إتعذبت

ramy shehab: إتصبت بالبادات

ramy shehab: من بعدك عقلى خلاص

ramy seada: قلبت بجو هاد وير مش لطيف

ramy shehab: إتعمل معاه فورمات

ramy shehab: وعشان أشوفك تانى

ramy shehab: قالوا لى أبقى فات

ramy shehab: لا نافع فيا ويندوز

ramy shehab: ولا حتى ريد هات

ramy shehab: من كتر ألم فراقك

ramy shehab: بسقط كتير ملفات

ramy shehab: شوف الخاتمة بقى ياعم رامى

ramy seada: قووووووووول

ramy shehab: عملت سكان لقلبى

ramy shehab: مالقتشى بارتيشينات

ramy shehab: حتى التقسيمة ضاعت

ramy shehab: ياخسارة ع إللى فات

ramy shehab: thr enf

ramy shehab: end*

ramy seada: طب بذمتك دى كانت هتبقى عيلة ازاى؟

ramy seada: انت فهمت سعده غلط يا عم رامى

ramy shehab: البداية يبنى

ramy shehab: وبعديها قلبت معايا بمكس هارد وير على سوفت وير بطريقة عجيبة

ramy shehab: فاكر لما سألتك على الملفات إللى من نوع فات.؟

ramy shehab: fat

ramy seada: منا اخدت بالى

ramy shehab: واضح إنى كنت مشتاق للكمبيوتر بتاعى

ramy shehab: والنت والجو المظلم ده

ramy seada: يبنى انا عايزك تكتب غزل فى سعده

ramy seada: غزل يكون مطلعه

ramy seada: شعرك ناعم وسطك أحلى

ramy seada: صدرك بارز منتيش فحلة

ramy shehab: ده غزل؟

ramy seada: غزل عفيف

ramy shehab: طب ما أقول أحسن ياتخين يافشلة ياقعر الحلة

ramy seada: دا اما نيجى نتكلم عن عيلة الاحول

ramy seada: رامى انا قررت أزيع كل اللى فات

ramy seada: نزيع؟

ramy shehab: أنهى حتة بالظبط؟

ramy seada: كله كله

ramy shehab: طب إستنى أما أشوف

ramy seada: شوف

ramy shehab: طب وحتة ......؟

ramy seada: عادى محدش هياخد باله قوى

ramy shehab: لا

ramy seada: وبعدين مش لازم .....

ramy shehab: شيل دى

ramy seada: خلاص نشيلها

ramy seada: هوريك قبل مبعت

ramy shehab: إشطة

ramy shehab: زيع ياعم بس شيل الحتة بتاعة ...... وبس

ramy seada: انا هسيبها وأحط مكانها نقط

ramy seada: عشان نسيب مساحة لتفكير العقول

ramy shehab: طب إعمل كدة بس ورينى العمل النهائى قبل نشره

ramy seada: اوك
------------------------------------------------------------